2024 жылғы 21 тамызда «Қостанай Жылу энергетикалық компаниясы» МКК базасында ҚР Ұлттық экономика министрлігі Табиғи монополияларды реттеу комитетінің Қостанай облысы бойынша департаменті табиғи монополиялар субъектісінің объектілері бойынша баспасөз турын өткізді.
Баспасөз туры барысында «ҚЖЭК» МКК директорының орынбасары – бас инженері Вячеслав Плотниковтың 2023 жылғы инвестициялық бағдарламаның орындалуы туралы баяндамасы тыңдалды.
2023 жылы инвестициялық бағдарлама шеңберінде 42 іс-шараны іске асыру үшін барлығы 2 556,7 млн.теңге көзделген.
БАҚ өкілдері 2023 жылғы инвестициялық бағдарлама аясында іске асырылған үш нысанды аралады:
- «Әуежай» шағын ауданындағы №10, №26, №29, №30 тұрғын үйлерге ЖК 24.11-ден бастап жылу желілеріне күрделі жөндеу жұмыстары».
- «ЖЭО №1 бу қазандығын күрделі жөндеу».
- «ЖЭО-дағы ШСЖ-125-7-15 №3 күрделі жөндеу жез құбырларын 100% ауыстыру».
«ҚЖЭК» МКК инвестициялық бағдарламасы бойынша іс-шараларды орындау 2023-2024 жж.жылыту маусымының үздіксіз өтуін және Қостанай қаласының тұтынушыларын жылыту және ыстық сумен жабдықтау бойынша сапалы қызметтер көрсетуді қамтамасыз етуге, жылу желілерінің тозуын 1,1% – ға (64,2-ден 63,1% – ға дейін) төмендетуге мүмкіндік берді.
Сондай-ақ, іс-шараларды іске асыру мыналарды қамтамасыз етуге мүмкіндік берді:
– негізгі құралдардың тозуын азайту;
– жылу шығынын азайту;
– табиғи газ шығынын азайту;
– тұтынушыларды жылумен және ыстық сумен жабдықтау бойынша көрсетілетін қызметтердің сапасы мен сенімділігін арттыру.
